Grief Salon

Nogat man i dai,

Tasol mi laik krai ya!

Kam krai wantaim mi, poro.

Baksait long haus, as bilong diwai, sait long wara, het bilong maunten o haus win long bus.

Bai mitupela tromoi mitupela yet go daun.

Tantanim long graun.

Rabim klei long skin, singaut olsem spak man na paitim graun.

Larim graun i harim wari bilong mitupela.

Larim animal na pisin i pilim pen wantaim mitupela.

Larim aiwara, nuswara na mauswara i ron tasol.

Yu ken krai isi.

Mi bai singaut strong.

Mi les pinis.

Olgeta samting mi laikim tumas.

God i no save givim mi.

Em i no save harim mi.

Nogat tru!

Em laik givim pen tasol long mi.

Kam yumi go krai.

Tulait kam nau bai yumi pilim orait.